UAE Exam Exemption for Dentists: DHA, MOHAP, DOH and SHA Requirements-- Malayalam

യു.എ.ഇയിലെ ദുബായ് (DHA), അബുദാബി (DOH), ഷാർജ (SHA), മറ്റ് എമിറേറ്റുകളിൽ (MOHAP) എന്നിവിടങ്ങളിൽ ജനറൽ ഡെന്റിസ്റ്റ്, സ്പെഷ്യലിസ്റ്റ്, അല്ലെങ്കിൽ കൺസൾട്ടന്റ് ഡെന്റിസ്റ്റ് ആയി ജോലി ചെയ്യാൻ ആഗ്രഹിക്കുന്നവരാണോ നിങ്ങൾ? എങ്കിൽ യു.എ.ഇയുടെ യൂനിഫൈഡ് ഹെൽത്ത് കെയർ പ്രൊഫഷണൽ ക്വാളിഫിക്കേഷൻ റെക്വയർമെന്റ്സ് (PQR) നിയമപ്രകാരം, വിദേശ രാജ്യങ്ങളിലെ ചില പ്രത്യേക ലൈസൻസുകളോ പരീക്ഷാ റിസൾട്ടുകളോ ഉള്ളവർക്ക് യു.എ.ഇയിലെ ലൈസൻസിംഗ് പരീക്ഷകളിൽ നിന്നും ഇളവ് (Exam Exemption) ലഭിക്കാൻ അവസരമുണ്ട്.

പ്രധാന എക്സാം ഇളവുകൾ താഴെ പറയുന്നവയാണ്:

1. ജനറൽ ഡെന്റിസ്റ്റുകൾക്ക് (General Dentist):

• ഓസ്‌ട്രേലിയ: ADC (Australian Dental Council) പരീക്ഷയുടെ തിയറിയും ക്ലിനിക്കലും പൂർത്തിയാക്കിയവർക്ക് അല്ലെങ്കിൽ ഓസ്‌ട്രേലിയൻ ഡെന്റൽ ബോർഡ് രജിസ്ട്രേഷൻ ഉള്ളവർക്ക്.

• കാനഡ: NDEB കാനഡ പരീക്ഷ പൂർത്തിയാക്കിയവർക്ക്.

• അയർലൻഡ്: ഐറിഷ് ഡെന്റൽ കൗൺസിൽ പരീക്ഷ (Part I & II) പാസായവർക്ക്.

• യുകെ (UK): ORE പരീക്ഷയുടെ എല്ലാ ഘട്ടങ്ങളും പാസായവർക്ക് (കഴിഞ്ഞ 5 വർഷത്തിനുള്ളിൽ), അല്ലെങ്കിൽ അംഗീകൃത GDC രജിസ്ട്രേഷൻ ഉള്ളവർക്ക്.

• യു.എസ്.എ (USA): അമേരിക്കൻ NBDE (Part I & II) പരീക്ഷ പാസായവർക്ക്. (INBDE പാസായവർക്ക് ലൈസൻസ് ലഭിക്കാൻ അധിക അസെസ്സ്മെന്റ് വേണ്ടിവന്നേക്കാം).

• ന്യൂസിലാൻഡ്: NZDREX പരീക്ഷ പാസായവർക്ക്.

2. സ്പെഷ്യലിസ്റ്റ് / കൺസൾട്ടന്റ് ഡെന്റിസ്റ്റുകൾക്ക്: സ്പെഷ്യലിസ്റ്റുകൾക്ക് യോഗ്യതകളിൽ ഉയർന്ന മാനദണ്ഡങ്ങളാണുള്ളത്.

• യുകെയിലെ CCST, ഓസ്‌ട്രേലിയൻ FRACDS, കനേഡിയൻ FRCD(C), ഐറിഷ് FFD പോലെയുള്ള ഉന്നത യോഗ്യതകളുള്ളവർക്ക് പരീക്ഷയില്ലാതെ സ്പെഷ്യലിസ്റ്റ് അല്ലെങ്കിൽ കൺസൾട്ടന്റ് ഡെന്റിസ്റ്റായി അപേക്ഷിക്കാവുന്നതാണ് (ഇന്ത്യൻ MDS ഡിഗ്രിക്ക് മാത്രം നേരിട്ട് എക്സാം ഇളവ് ലഭിക്കില്ല). കൺസൾട്ടന്റ് ആവാൻ ഈ യോഗ്യതയുള്ള രാജ്യത്ത് തന്നെ അവസാന 2 വർഷം എക്സ്പീരിയൻസ് ഉണ്ടായിരിക്കേണ്ടതുണ്ട്.

പ്രത്യേകം ശ്രദ്ധിക്കുക: പരീക്ഷാ ഇളവ് (Exam Exemption) ലഭിച്ചതുകൊണ്ട് മാത്രം നിങ്ങൾക്ക് യു.എ.ഇയിൽ നേരിട്ട് ലൈസൻസ് കിട്ടില്ല. നിങ്ങളുടെ സർട്ടിഫിക്കറ്റുകളുടെ ഡാറ്റാഫ്ലോ വെരിഫിക്കേഷൻ (PSV), ഗുഡ് സ്റ്റാൻഡിങ് സർട്ടിഫിക്കറ്റ്, എക്സ്പീരിയൻസ് പരിശോധന (പ്രവൃത്തി പരിചയത്തിൽ വലിയ ഗ്യാപ്പുകൾ ഉണ്ടാകാൻ പാടില്ല) തുടങ്ങിയ ലൈസൻസിംഗ് നടപടിക്രമങ്ങൾ പൂർത്തിയാക്കേണ്ടതുണ്ട്.

കൂടുതൽ വിവരങ്ങൾക്കും യു.എ.ഇ ലൈസൻസിംഗ് നടപടിക്രമങ്ങളിലെ സഹായങ്ങൾക്കുമായി Nursing Manthra വാട്സാപ്പ് നമ്പറുകളിൽ എപ്പോൾ വേണമെങ്കിലും ബന്ധപ്പെടാവുന്നതാണ്.

• UAE: +971 50 251 5717

• INDIA: +91 6282756689

•